شباب كوول

اهلاً بيك زائر معانا ياريت تتشرف و تتفضل و تتكرم و تسجل معانا و تنضم لأسرتنا الكريمة بجد هنتشرف بوجودك معانا

منتدى للشباب الكووول للفرفشة وابداء الرأى و كل ما يريده الشباب


    رباعيات 4 صلاح جاهين

    شاطر
    avatar
    البنت الشقية
    مدير المنتدى
    مدير المنتدى

    انثى
    العقرب عدد الرسائل : 1300
    العمر : 47
    العمل/الترفيه : ربة منزل
    المزاج : كوول
    السٌّمعَة : 12
    تاريخ التسجيل : 19/05/2008

    m2 رباعيات 4 صلاح جاهين

    مُساهمة من طرف البنت الشقية في الأربعاء 16 مارس 2011 - 3:33

    لو فيه سلام فى الارض وطمان و أمن
    لو مفـيش ولا فقـر ولا خـــــوف و جبن
    لو يملـك الانسـان مصيـر كــــل شيـــئ
    اـنا كـنت اجيـب للدنيـا مِيـت ألــف إبــن




    يوم قلت اه ... سمعوني قالوا فسد
    ده كان جدع قلبه حديد و اتحسد
    رديت على اللايمين انا و قلت اه
    لو تعرفوا معنى زئير الأسد......عجبي!!


    ولدي نصحتك لما صوتي اندبح
    ما تخافش من جني ولا من شبح
    و ان هب فيك عفريت قتيل اسأله
    ما دافعش عن نفسه ليه لما اندبح؟


    ليه يا حبيبتي ما بينا دايما سفر
    ده البعد ذنب كبير لا يغتفر
    ليه يا حبيبتي ما بينا دايما بحور
    اعدي بحر الاقي غيره اتحفر


    ورا كل شباك الف عين مفتوحين
    و انا و انتي ماشيين يا غرامي الحزين
    لو التصقنا نموت بضربة حجر
    ولو افترقنا نموت متحسرين


    انسان ايا انسان ما اجهلك
    ما اتفهك في الكون و ما اضالك
    شمس و قمر و سدوم و ملايين نجوم
    و فاكرها يا موهوم مخلوقة لي


    انا الذي عمري اشتياق في اشتياق
    وقطر داخل في محطة فراق
    قصدت نبع السم و شربت سم
    من كتر شوقي و عشمي في الترياق



    غمست سنك في السواد يا قلم
    علشان ما تكتب شعر يقطر ألم
    مالك جرالك ايه يا مجنون..و ليه
    رسمت وردة و بيت و قلم و علم


    مرحب ربيع مرحب ربيع مرحبة
    ياطفل ياللي في دمي ناغى و حبا
    علشان عيونك يا صغنن هويت
    حتى ديدان الارض و الاغربة


    جــالك اوان و عرفت مشى الجنايــز
    كيف شـُـفتها يا عبد رب اللذايـــــــذ
    قــال : شفت شيل بالحيل فقير أو أمير
    كما شالوا فى الخمامير فواضــى القـزايـز


    يا اللى انت فى بيتك قش مفروش بريش
    تـــقوى عليـــة الريح . يصبـــح مفبيــش
    عجبــى عليــك حـواليــك مخــــالب كبـــار
    وما لكــش غيــر منقــار وقــادر تـعيــــش


    أيــوب رمــاه البيــن بــكل الـعـِـلل
    سبع سنين مـرضـان وعنـده شلل
    الـصبر طيب . . صبر ايوب شفاه
    بس الأكادة مــات بـفـعـل . المــلل


    يا حزيـن يـا قــمقـم تحـت بحـر الضيــاع
    حــــزين أنــــا زيـك وإيـــه مســــتـــطاع
    الحـزن مـا بقالهــوش جــلال يا جــــــدع
    الحـــزن زى البـــرد .. .. زى الصــداع


    يا اللى عرفت الحب يوم و انطوى
    حسك تقول مشتاق لنبع الهوى
    حسك تقول مشتاق لنبع الغرام
    دا الحب من داق منه قطره ارتوى


    مرغم عليك يا صبح مغصوب يا ليل
    لا دخلتها برجليا و لا كان لي ميل
    شايليني شيل دخلت انا في الحياه
    و بكره حاخرج منها شايلييني شيل


    انا اللي بالامر المحال اغتوي
    شفت القمر بصيت لفوق في الهوه
    طلته ماطلتوش ايه انا يهمني
    و ليه مادام بالنشوى قلبي ارتوي
    avatar
    menna32
    مدير المنتدى
    مدير المنتدى

    انثى
    القوس عدد الرسائل : 2916
    العمر : 23
    البلد : egypt
    العمل/الترفيه : طالبة
    المزاج : cool
    السٌّمعَة : 6
    تاريخ التسجيل : 19/05/2008

    m2 رد: رباعيات 4 صلاح جاهين

    مُساهمة من طرف menna32 في الجمعة 25 مارس 2011 - 6:44

    لو فيه سلام فى الارض وطمان و أمن
    لو مفـيش ولا فقـر ولا خـــــوف و جبن
    لو يملـك الانسـان مصيـر كــــل شيـــئ
    اـنا كـنت اجيـب للدنيـا مِيـت ألــف إبــن

    يا اللى انت فى بيتك قش مفروش بريش
    تـــقوى عليـــة الريح . يصبـــح مفبيــش
    عجبــى عليــك حـواليــك مخــــالب كبـــار
    وما لكــش غيــر منقــار وقــادر تـعيــــش

    مرغم عليك يا صبح مغصوب يا ليل
    لا دخلتها برجليا و لا كان لي ميل
    شايليني شيل دخلت انا في الحياه
    و بكره حاخرج منها شايلييني شيل


    صلاح جاهين رااااااائع
    تسلم ايديكى على الموضوع الجميل


    _________________
    [ندعوك للتسجيل في المنتدى أو التعريف بنفسك لمعاينة هذه الصورة]

    [ندعوك للتسجيل في المنتدى أو التعريف بنفسك لمعاينة هذه الصورة]
    M.M.M
    avatar
    البنت الشقية
    مدير المنتدى
    مدير المنتدى

    انثى
    العقرب عدد الرسائل : 1300
    العمر : 47
    العمل/الترفيه : ربة منزل
    المزاج : كوول
    السٌّمعَة : 12
    تاريخ التسجيل : 19/05/2008

    m2 رد: رباعيات 4 صلاح جاهين

    مُساهمة من طرف البنت الشقية في الإثنين 10 أكتوبر 2011 - 10:26

    شكراَ لمرورك الكريم

      الوقت/التاريخ الآن هو الإثنين 15 أكتوبر 2018 - 13:55