شباب كوول

اهلاً بيك زائر معانا ياريت تتشرف و تتفضل و تتكرم و تسجل معانا و تنضم لأسرتنا الكريمة بجد هنتشرف بوجودك معانا

منتدى للشباب الكووول للفرفشة وابداء الرأى و كل ما يريده الشباب


    حصل لى موقف و لا فى الاحلام عقبال عندكم كلكم

    شاطر
    avatar
    menna32
    مدير المنتدى
    مدير المنتدى

    انثى
    القوس عدد الرسائل : 2916
    العمر : 23
    البلد : egypt
    العمل/الترفيه : طالبة
    المزاج : cool
    السٌّمعَة : 6
    تاريخ التسجيل : 19/05/2008

    m3 حصل لى موقف و لا فى الاحلام عقبال عندكم كلكم

    مُساهمة من طرف menna32 في الخميس 2 ديسمبر 2010 - 11:03

    امبارح حصلت لى مفاجأة خليتنى طايرة من الفرحة من السعادة

    احكى لكم بقى و افرحكم

    امبارح قبل العصر كده لقينا طنط منى صاحبة ماما بتتصل و تقول انها جايه لنا

    طبعا مش دى المفاجأة ما طنط منى دى مشرفه عندنا كل اسبوع

    عاملة كده زى حقنة التراى بى اللى امى بتاخدها كل يوم سبت

    المهم علشان ما اطولش عليكم

    ماما قالت لى قومى طلعى كيس فراولة من الفريزر علشان يلحق يفك على ما طنطك منى تيجى

    و بافتح الفريزر علشان اطلع الكيس و الاقى لكم

    و الله ما هاتصدقوا

    لقيت 6 اكياس طماطم كل كيس فيه ما يقرب من 2 كيلو [ندعوك للتسجيل في المنتدى أو التعريف بنفسك لمعاينة هذه الصورة]

    اه و الله الطماطم ام 8 جنية الكيلو و عند ابو احمد الحرامى بعشرة و اتناشر كمان

    اتارى الست اكياس دول كانوا مستخبيين ورا الفراولة و مش باينين اكمنهم حمر زى الفراولة

    المهم انى بعد ما فوقت من الصدمة و قدرت اتوازن ما بقيتش عارفة اوصل الخبر السعيد ده لأمى ازاى

    احترت يا جماعه

    اقولها لها بطريقة مباشرة و لا فى الاول امهد لها و اجيب لها الخبر واحده واحده

    و لا انده حد من الجيران يقول لها هو علشان لو جرى لها حاجة من الفرحة ما تبقاش نهايتها على ايدى انا و اعيش بذنبها العمر كله

    المهم توكلت على الله و قولت ادخل عليها و اقول لها و اللى يحصل يحصل

    بس زياده فى الاطمئنان كلمت اخويا و قلت و انت جاى من الشغل هات لنا معاك مهدأ لماما

    ليه بس

    خوفت اقوله على السبب لحسن من فرحته يمشى مذهول فى الشارع و تخبطه عربية لا قدر الله

    قلت له لأ اصل طنط حنان جارتنا اللى فوق وقعت من البلكونة و هى بتلمالغسيل و الاسعاف جت شالتها و انا خايفه يجرى لها حاجة فماما تتصدم منالخبر

    قالى و هى يعنى ماما كانت بتقبلها ما هى على طول قرفاها بغسيلها اللى بينقط علينا و كل يوم فى خناق و مشاكل

    قلت له يا حبيبى ما انا خايفه على امك من الفرحة لما تعرف انها خلصت منها و الى الابد


    و قومت علشان اقول لماما و انا كلى امل انها تقدر تتماسك بعد ما تسمع الخبر الجميل ده

    ما هو مش معقولة خبر الطماطم يكون اصعب من يوم ما لقت كيس لحمة مستخبى فىقعر الفريزر و احنا اخر الشهر يومها الدمعة كانت هاتفر من عينها يا حبيبتىيا ماما [ندعوك للتسجيل في المنتدى أو التعريف بنفسك لمعاينة هذه الصورة]

    و لا يوم ما راحت السوق و اكتشفت ان فى بياعه بتبيع الجرجير الحزمتين بنص جنية و عليهم واحده بقدونس هدية

    يومها الناس اللى رجعوها لنا البيت قالوا لى انها اغمى عليها و فوقوها 3 مرات و بعد ما قامت اصرت تشترى بكل الفلوس اللى معاها جرجير

    اصله الجرجير الحزمة بقت بنص جنية وهما 10 جرجيرات مش اكتر و البقدونس شرحه و الحزمة مفيهاش غير 6 اعواد بس



    المهم دخلت عليها و قلت لها ماما عندى خبر حلو و خبر وحش

    قولى الحلو الاول

    لأ هاقول الوحش اكياس الفراولة اللى فى الفريزر نقصوا 6 اكياس

    ايه ليه راحوا فين شربتيهم يا طفسة و انتى عندك حساسية

    لأ و الله

    يبقى اتفزلكتى و عملتى بيهم حاجة حلوة علشان منى

    هى طنط منى غريبة علشان اعملها حاجة حلوة دى صاحبة بيت

    طب يا بنتى ما تعتبرينا احنا كمان اصحاب بيت و ترحمينى انا و اخوكى من اختراعاتك

    يعنى هو ده وقته . هاتسيبينى اقولك الخبر الحلو و لا لأ

    قولى يا وش السعد

    قلت لها الاكياس طلع فيها طماطم مش فراولة

    [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]


    ايه ده ماما ماما مالك يا حبيبتى ماما ردى عليا اوعى يجرى لك حاجة

    يجرى لى حاجة و اسيبكم تتهنوا بالطماطم لوحدكم

    الحمد لله انتى كويسة

    اه كويسة و راحت راقعه زغروطتين

    تصدقوا يا جماعه الناس اللى جم يهنونا بعد ما سمعوا الزغاريط و شافوافرعين النور اللى علقناهم من الفرحة اكدوا ان الاكتشاف ده اهم من اكتشافهمان صلاح عبد الله هو اللى دبر الحادثة بتاعة نور الشريف فى مسلسل الدالى

    انا كنت هانزل الموضوع ده امبارح بس من ساعة ما الخبر اتعرف و انا مش ملاحقه على التليفونات

    العاشرة مساء و القاهرة اليوم و مصر النهاردة و الحياة اليوم و 90 دقيقة كلهم بيتسابقوا علشان يعملوا معايا حوار

    ده غير مدحت شلبى من امبارح و هو قارفنى عايزنى اطلع معاه فى مساء الانوار بيقول هايجيبنى و يكنسل لقاء مرتضى منصور

    ده حتى استاذ ابراهيم حجازى اكد لى انه على استعداد يلغى الحلقة اللىعاملها علشان حرب اكتوبر يوم الاربعاء و يعمل معايا حاقة خاصة بالمناسبة دى

    بس انا بصراحه ما وافقتش

    اصلهم مصرين اجيب معايا الاكياس علشان يتصوروا معاهم و انا بينى و بينكم كده خايفه عليهم من الحسد

    على فكرة الخبر هاتلاقوه نازل فى المصرى اليوم بس للأسف مش لاقية اللينك

    الصحفى بيقول ان الاكتشاف ده اعظم اكتشاف حصل من بعد اكتشاف مقبرة توت عنخ امون و ان ده يعتبر اهم حدث فى 2010

    و فيه كوادر تعليمية رفيعة المستوى طالبت بانه ينزل فى كتب التاريخ ابتداء من الطبعه الجديدة ان شاء الله

    اخر حاجة احب اقولها لكم اننا اخيرا هانعمل محشى و عقبال عندكم كلكم يا حبايب

    منقووووول


    _________________
    [ندعوك للتسجيل في المنتدى أو التعريف بنفسك لمعاينة هذه الصورة]

    [ندعوك للتسجيل في المنتدى أو التعريف بنفسك لمعاينة هذه الصورة]
    M.M.M

      الوقت/التاريخ الآن هو الثلاثاء 21 أغسطس 2018 - 8:12